Манăн упăшка хĕрес çакмасть, чиркĕве çÿремест. Нумаях пулмасть вăл сукмак çинче хĕрес тупрĕ. Унпа мĕн тумалла?
Светлана ПЕТРОВА, Чăрăшкасси
Николай атте, Шупашкар район благочиннăйĕ, Хыркасси чиркĕвĕн настоятелĕ:
– Çул çинче тупнă хĕресе чиркĕве çурта çутнă çĕре кайса памалла. Ăна тупни мĕне пĕлтерни пирки калама пултараймастăп. Ирхине ĕçе каяс, çула тухас умĕн кĕлĕ вуласа Турăран пулăшу ыйтмалла, пиллĕх илмелле, хăвăр çине те, утакан çул çине те сылтăм алăпа хĕрес палли хумалла. Ун пек тусан Турă сире пур усалтан та сыхлать.