Атăлъял ял клубĕнче савăнăçлă уяв иртрĕ. Ял çыннисем Амăшĕсен кунне паллă тума йышлăн пуçтарăнчĕç.
Чи малтанах сцена çине ялти «Атăл хумĕсем» пултарулăх ушкăнĕн çамрăк хунавĕсем – ачасем – тухрĕç. Пĕр саслăн «Анне» пĕрремĕш сăмах» юрра шăрантарчĕç вĕсем. Кăçалхи çул – Литература çулталăкĕ. Çавна май ачасем аслисене тăтăшах юмахпа, юптарупа савăнтараççĕ. Нумай пулмасть кăна-ха сцена çинче Корней Чуковский юмахне кăтартнă пулсан, халĕ вара тепĕр 2 юптарупа тухрĕç куракан умне. Даниил Толстов, Маша Суркина, Андрей Иванов, Кирилл Суконкин, Марина Матюшкина, Павел Моисеев пултарулăхĕсене кăтартрĕç. Петр Семенов купăсçă вара ачасене пулăшса кĕвĕ каларĕ.
Николай Смирнов, Атăлъял