Июнĕн 10-мĕшĕнче РФ Правительствин Председателĕ Дмитрий Медведев видеоконференци мелĕпе селекторлă канашлу ирттернĕ, унта 2025 çулчченхи демографи политикин Концепцине пурнăçа кĕртессине сÿтсе явнă. Росстат кăтартăвĕсем тăрăх, 2015 çулхи январĕн 1-мĕшĕ тĕлне Раççейре 146,3 млн çын, вĕсенчен 2,3 млн-шĕ – федерацин Крым округĕнче, пурăнать. Ача çуралассине ÿстерес тĕллевпе РФ Президенчĕн 2012 çулхи майăн 7-мĕшĕнчи Указĕпе килĕшÿллĕн çĕршыври 69 регионра йывăр шăпаллă çемьесене 2012 çулхи декабрĕн 31-мĕшĕ хыççăн çуралнă виççĕмĕш тата ун хыççăнхи ачасемшĕн, 3 çула çитиччен субъектри уйăхсерен пурăнмалли чи пĕчĕк виçепе тан укçа-тенкĕ тÿлеççĕ. Вилекенсен йышне чакарас тĕллевпе профилактика сăнавĕсем тата диспансеризаци ирттереççĕ.
Канашлура чылай ыйтăва пăхса тухнă, сăмахран, вилнин тĕп сăлтавĕсене чакарас енĕпе эффективлă мероприятисем ирттернине, медицина пулăшăвĕн çитменлĕхĕсене.