Паянхи кун тĕлне Шупашкар районĕнчи кăçал капиталлă юсав тума палăртнă нумай хваттерлĕ çуртсенче хăшĕ-пĕринче юсав ĕçĕсем вĕçленнĕ, ыттисенче вара çитес вăхăтрах пĕтмелле.
Аса илтеретпĕр: 2015 çулта çакнашкал 12 çурта юсама палăртнă. Капиталлă юсав фондĕнчен пĕлтернĕ тăрăх, Кÿкеçри «Первомайская» урамри 7, 9, 13-мĕш çуртсенче ĕçсене вĕçленĕ, вĕсене патшалăх комиссийĕ те йышăннă ĕнтĕ. Кÿкеçри «Советская» урамри 65, 76, 86-мĕш тата К. Маркса урамĕнчи 108-мĕш çуртра тата Çĕнĕ Тутаркассинчи «70 лет Октября» урамсенчи 6, 12-мĕш, «Набережная» урамри 25-мĕш çуртсенче ĕçсене 95% пурнăçланă. Çĕктер поселокĕнчи «Волжские зори» урамри «1а», «1б» çуртсенче юсав пĕтернĕ. Çитес кунсенчех асăннă çуртсенче патшалăх комиссийĕ тĕрĕслев ирттерĕ.
Çитес çул районта миçе çуртра капиталлă юсав ирттерĕç? Хальлĕхе паллă марха.