Июнĕн 27-мĕшĕнче Кÿкеçри «Улăп» сывлăхпа спорт центрĕнче тата «Олимпийский» стадионра сывлăх кунĕ тата Пĕтĕм Раççейри Олимп кунне халалласа спорт фестивалĕ – чăн-чăн спорт уявĕ – иртет.
Унта кашниех хутшăнма пултарать, регистрациленмелле çеç. Спортăн 14 тĕсĕпе – сĕтелçи тенниспа, волейболпа, шахматпа, шашкăпа, кире пуканĕ çĕклессипе, армспортпа, çăмăл атлетикăпа тата ытти енĕпе – ăмăртусем пулĕç. Пĕчĕк ачасем валли те тупăшу пур, вĕсем виçĕ урапаллă велосипедсемпе ыткăнĕç. Сусăр çынсемшĕн те интереслĕ пулĕ, вĕсем кÿмесемпе ăмăртĕç.
Çак кун бассейна, тренажер залне тÿлевсĕрех кĕме пулать.
