Полицин аслă сержанчĕ Леонид Пучков Çурçĕр Кавказра командировкăра вилни кĕçех çулталăк çитет. Ăна асăнса ĕçтешĕсем ЧР Шалти ĕçсен министерствин тирĕнче чемпионат ирттернĕ, 30-я яхăн полицейски, вĕсенчен 2-шĕ хĕрарăм, Макаров пистолетĕнчен тĕл персе ăмăртнă. Командăсенчен РФ Шалти ĕçсен министерствин районти уйрăмĕн уголовнăй шырав пайĕ 1-мĕш, ведомство тулашĕнчи хурал уйрăмĕ 2-мĕш, патрульпе пост служби 3-мĕш вырăнсене йышăннă. Хăйсем тĕллĕн ăмăртса Леонид Иванов капитан 1-мĕш, Александр Артемьев подполковник 2-мĕш, Сергей Ильин капитан 3-мĕш пулнă.
(Тăван Ен 35№, сентябрĕн 12-мĕшĕ, 2014 ç.)