Кÿкеçри «Бичурин тата хальхи самана» музейпе çумăн иртекен трасса урлă каçмалли вырăн кунта пурăнакансе не те, ĕçлеме çÿрекенсене тахçантанпах калаçтарать. Ыйтăва татса паманнипе вăл паянхи кун та уçă, çивĕчлĕхне çухатмасть.
Статистика хыпарлать
Унтан куллен вун-вун çын тепĕр енне каçса музея кĕрет, шкула, больницăна е ытти çĕре васкать. Федераци пĕлтерĕшлĕ трассăпа талăкра пин-пин автомашина иртет, чылайăшĕ – пысăк тиевлĕ. «Зебра» тĕлĕнче светофор вырнаçтарман ни çуран çÿрекенсене чăннипех те пысăк чăрмав кÿрет. Çул урлă каçмалли вырăн çынсемшĕн, уйрăмах ачасемпе инвалидсемшĕ н, чăнипех хăрушлăх кăларса тăратать. Çакна статистика та çирĕплетет. Юлашки 5 çулти кăтартусене тишкерер-ха. 2010 çулта «зебра» патĕнче пурĕ 2 авари регистрациле нĕ, унта 2 çын суранланнă; 2011 çулта 5 авари пулнă, 6-ăн суранланнă; 2012 çулта вара çав вырăнти 2 аварире 2-ĕн аманнă, вилнĕ тĕслĕх те пур – 1; 2013 çулта каллех хурлăхлă статистика: 3 аварире 3-ĕн пурнăçран уйрăлса кайнă, суранланнă тĕслĕх – 1; кăçалхи кăтарту пирки: ГИБДДн Шупашкар районĕнчи уйрăмĕнче паянхи кун тĕлне унта 1 аварие регистрациле нине пĕлтерчĕç, 1 çын аманнă.
Инкек тÿсекенсен йышĕнче çитĕннисем кăна мар, ачасем те. Сăмахран, 2011 çулта 2 ача аманнă. Кунта тепĕр çитменлĕх те пур. «Зебрăпа» «Катюша» кафе енне каçсан çуран çÿрекенсем пысăк тиевлĕ машинăсен автостоянкин е лекеççĕ, вĕсен валли тротуар çук, çула «фурăсем» пÿлеççĕ – çакă та пурнăçшăн хăрушă.
Çивĕч ыйту
Асăннă вырăнти «зебра» вырăнĕнче хăрушсăрлăх тĕллевĕпе мĕнле ĕçсем туса ирттермелле? Çакна район администраци йĕнче хăрушсăрлăх ыйтăвĕсемпе ĕçлекен комисси ларăвĕнче темиçе хутчен те сÿтсе явнă. Çул çийĕн каçă тумалла, е çул айĕн-и?.. Тĕрлĕ шухăша палăртнă, анчах районти влаç органĕсем çак ыйтăва татса парайман, мĕншĕн тесен асăннă çул федераци харпăрлăхĕнч е тăрать.
Çивĕч ыйту районăн Депутатсен Пухăвĕн депутачĕсен е те канăç памасть. Александр Андреев депутат пĕлтернĕ тăрăх, вĕсен ушкăнĕ «асăннă «зебра» хăрушсăрлăх вырăнĕ пултăр тесе темиçе хутчен те мерăсем йышăнма ыйтнă». Кăçал август уйăхĕнче вара депутатсем район администраци йĕн пуçлăхĕ патне çырупа тухнă. Район администраци йĕ Упрдор «Волга» ФКУ-ран хурав илсен çапла хыпарланă: «2014 çулхи 4-мĕш кварталта М-7 «Волга» автоçулăн палăртнă вырăнĕнче кнопкăпа «чĕнекен» светофор вырнаçтармал ла».
Кÿкеçри Бизнес-центрт ан инçех мар çĕр айĕнчен каçмалли вырăн пур, чылайăшĕ çавăнтан çÿрет, анчах вăл пуриншĕн те, уйрăмах сусăрсемшĕн, меллĕ мар. Коляскăпа анса хăпарма йывăррине унта пулнă кашни çын ăнланать. Маларах асăннă çырура çав вырăна реконструкци лемешкĕн проектпа смета докуменчĕсе не тума заявка панине те пĕлтернĕ. Асăннă «зебрăпа» каçса çÿрекенсен шухăш-кăмăлĕ пе эпир те кăсăклантăмă р. Пĕрисем унта ним хăрушшине те курмаççĕ пулсан, теприсем, шăпа çыннăн хăйĕн аллинче пулнине пĕлтерчĕç.
Юрий ПОЛЯКОВ, Çул-йĕр хăрушсăрлăхĕ н патшалăх инспекцийĕн Шупашкар районĕнчи уйрăмĕн пуçлăхĕ:
– Упрдор «Волга» ФКУ директорĕ патне темиçе хутчен те çырупа тухса «Бичурин тата хальхи самана» музейран инçех мар вырнаçнă «зебра» (официаллă вăл – М-7 «Волга» çулăн 656 км+ 180 м) патĕнче çул çийĕн каçса çÿремелли вырăн тума ыйтнă. Вĕсен хурава çитес çулсенче поселокран инçех мар çаврăнса каймалли трасса тăвас планпа çыхăнтараççĕ , урăхла каласан çавра çула сарсан Кÿкеç урлă талăкра хальхи пек пин-пин автомашина иртмелле мар, трасса урлă каçса çÿрес хăрушлăх та чакать.
Хальхи вăхăтра «зебра» патĕнче çул урлă каçмашкăн нимле майпа та йĕркелесе тăман вырăн пуррине палăртакан светофор пур.
Эдуард МИТРОФАНОВ, Чăрăшкасси:
– Кунтан час-часах каçса çÿреместĕп эпĕ, уйăхра 1-2 хутчен кăна. Больницăна килкелетĕп, паян та ак унта çул тытнăччĕ. Çакăнти «зебрăпа» каçма хăрамастăп, машинăсем чарăннине курса ĕненетĕп те хăюллăнах çула тăсатăп.
Алина ПАВЛОВА, Кÿкеç:
– Уйăхне 2 хутчен больницăна килетĕп. Кунтан çул урлă час-часах каçмастăп пулин те маншăн вăл хăрушă вырăн, çуран çынсем валли çул çийĕн каçмалли тусан лайăхрах.
ЛЮБОВЬ МАН
Если вы нашли ошибку, пожалуйста, выделите фрагмент текста и нажмите Ctrl+Enter .