СЫВĂ ПУРНĂÇ ЙĔРКИ
Ирхи гимнастика ÿт-пĕве вăй-хал хушать. Шупашкар округĕнчи «Пÿрнеске» ача садне çÿрекенсем ал-ура хусканăвне хаваспах хутшăнаççĕ.
Кунта кашни кун зарядкăран пуçланать. «Вăрмана – уçăлма», «Самолетсем», «Зоопарк» тата ытти сюжетлă хусканусем ачасене уйрăмах килĕшеççĕ.
Нумай чухне хусканусене шухăшламасăрах пурнăçлатпăр пуль. Анчах та вĕсем сывлăха пысăк витĕм кÿни куç кĕрет.
