ÇАР
Шупашкар муниципалитет округĕн пуçлăхĕ Владимир Михайлов ятарлă çар операцине хутшăнакан, кĕске вăхăтлăха тăван кĕтесе отпуска килнĕ командирпа Иванпа тĕл пулнă.
Иван ятарлă çар операцийĕ пуçлансанах контракт çырса Раççейĕн Хĕç-пăшаллă вăйĕсен ретне тăнă. Çакна такам хистенипе мар, чун ыйтнипе, хăйĕн ирĕкĕпе тунă. Иван çар пурнăçĕ, хăйĕн çинчен каласа кăтартнă.
«Пирĕн çĕр чăн-чăн арçынсене ÿстернине черетлĕ хут курса ĕненетĕп, – тет Владимир Михайлов. – Ивана çар тивĕçне чунтан парăнса пурнăçланишĕн, патриот пулнишĕн, Тăван çĕршыва юратнишĕн тав турăм. Пирĕн боецсем хăюллăн çапăçаççĕ. Утăм хыççăн утăм малалла каяççĕ. Эпир вĕсемпе кашнинпех мăнаçланатпăр!»
Марина МИХАЙЛОВА
