«Çамрăксем сывă пурнăç йĕркишĕн» уйăхлăх ячĕпе октябрĕн 28-мĕшĕнче Янăшри культура çуртĕнче «Нумай пурăнас тесен пирус патне ан туртăн» тематика сехечĕ иртнĕ. Калаçăва пуçлама Л.И. Иванова «Здоровье – не все, но все без здоровья – ничто» сăмах çаврăнăшне хатĕрленĕ. Калаçу вăхăтĕнче ачасем çак каларăшăн пĕлтерĕшне хăйсем мĕнле ăнланнине палăртма тăрăшнă. Ачасем пирус туртнин, эрех ĕçнин тата наркотиксен сиенĕ çинчен пĕлнине кăтартнă. «Сывлăх чи хаклă тупра, ĕмĕр тăршшĕпех сывă, хаваслă юлас тесен нумай çул хушши сывлăхлă юлма пулăшакан правилăсене пăхăнмалла», – çапла пĕтĕмлетнĕ мероприятие хутшăнакансем.
