ЧР Министрсен Кабинечĕн хушăвĕпе апрелĕн 18-мĕшĕнче черетлĕ спортпа сывлăх кунĕ иртет. Çак кун сывă пурнăç йĕркине пăхăнакансем Кÿкеçри «Улăп» спортпа сывлăх центрĕнче бассейнра тÿлевсĕр ишме тата тренажер залĕнче сывлăхне çирĕплетме пултараççĕ. Çак кунах 10 сехетре ишессипе шкул ачисен спартакиади иртет. 13 сехетре вара – ишессипех район кубокне çĕнсе илессишĕн ăмăрту. Бокс залĕнче каратэ енĕпе уçă заняти пулĕ.
Çак кунах Карачура ялĕнче Лапсар тата Карачура командисем мини-футболла выляса ăмăртĕç, хăйсен ял тăрăхĕнче Çĕньял тата Шăмăш командисем вăй виçĕç.
