Иртнĕ эрнере Шăмăршă районĕнчи психоневрологи интернатĕнче инвалидсен хушшинче иртнĕ Республикăри спорт фестивалĕнчен Кÿкеçри ача-пăча çурт-интерначĕн хастарĕсем кубокпа таврăннă.
Хĕрÿ тупăшу республикăри 6 интернатран 35 çынна пуçтарнă. Вĕсем çăмăл атлетика енĕпе, вĕрен туртассипе, армреслингпа вăй виçнĕ.
Фестиваль çулталăкра икĕ хут иртет: çуллахи тата хĕллехи вăхăтра. Тĕллев – хевтесĕр çынсене обществăра хăйсен вырăнне тупма пулăшасси, вĕсене пурăнма тата аталанма ыттисемпе тан май туса парасси.
