Чăваш Ен Пуçлăхĕ Михаил Игнатьев октябрĕн 1-мĕшĕнче Мускавра РФ финанс министрĕпе Антон Силуановпа тĕл пулнă.
Региона – йÿнĕ кредит
Çак хушăра Чăваш Республики Раççей Президенчĕн 2012 çулхи май уйăхĕн 7-мĕшĕнче кăларнă указĕсемпе çирĕплетнĕ мĕн пур индикатора та пурнăçласа пынине палăртнă. Федераци бюджетĕнчи пулăшăва тата республика тухăçлă мерăсем йышăннине кура социаллă пĕлтерĕшлĕ тата паянхи кунхи тăкаксем валли, Чăваш Енĕн парăмне сирме укçа уйăрассине тивĕçтереççĕ .
Тĕл пулу вăхăтĕнче çавăн пекех Чăваш Енĕн 2012-2013 çулсенче Пĕтĕм тĕнчери финанс корпорацийĕн чен ача сачĕсен строительстви пе реконструкци йĕ валли тата кĕске вăхăтлăх илнĕ, пĕтĕмĕшле виçи 3 млрд тенкĕпе танлашакан кредитсемпе çыхăннă парăм обязательстви сене виçеллĕ тăвас ыйтусене сÿтсе явнă.
«Раççей Финанс министерстви пе ĕçлĕ хутшăнусем йĕркеленчĕç, кирлĕ пулăшăва яланах илетпĕр. Паянхи тĕл пулура Антон Германович Силуановпа малашне çыхăну тытса ĕçлессине, çав шутра хушма пулăшу илес майсене тишкертĕмĕр. Эпир кĕске вăхăтлăх кредитсем илнĕччĕ, халĕ вара банксен кредит ресурсĕсем çулталăкри 12,5% таран хакланчĕç. Республика бюджечĕ шайлашуллă, патшалăх парăмĕ хамăрăн тупăшсен 50% пĕчĕкрех, çавна май кăçал Чăваш Ене çулталăкри 0,1% виçепе бюджет кредичĕ пама йышăннă, ку республикăна кулленхи тÿлевсене 5 çуллăха реструктуриз ацилеме май парать», – тенĕ Михаил Игнатьев тĕл пулу хыççăн журналистсен ыйтăвĕсене хуравласа.
Магистраль тупăш кÿрĕ
Çак кунах Михаил Игнатьев Мускавра «Раççей чукун çулĕ» АУОра Раççейри хăвăртлăхлă тата пысăк хăвăртлăхлă çÿревĕн ыйтăвĕсемпе ĕçлекен Общество канашĕн Раççей Федерацийĕн Патшалăх Думин пĕрремĕш вице-спикерĕ Александр Жуков тата «Раççей чукун çулĕ» АУОн пĕрремĕш вице-президе нчĕ Александр Мишарин ертсе пынă канашлăвне хутшăннă. Унта пысăк хăвăртлăхлă «Мускав – Хусан – Екатеринбург» чукун çул магистралĕн «Мускав – Хусан» участокĕнчи строительство ыйтăвĕсене сÿтсе явнă. Дискуссие çавăн пекех Чăваш Республикинч и предпринимат ельсен прависене хÿтĕлекен уполномоченн ăй Владимир Иванов хутшăннă.
Ларура Александр Жуков пысăх хăвăртлăхлă магистраль строительстви çĕршывшăн экономика ÿсĕмне пысăк витĕм кÿрессине, хальхи технологисе не аталантарма, çĕнĕ ĕç вырăнĕсем йĕркелеме пулăшассине палăртнă. Ăна хута ярсан Чăваш Ен 2020 çул тĕлне 20 млрд яхăн тенкĕ хушма тупăш илме пултарĕ, 2030 çул тĕлне – 43 млрд. Етĕрне, Муркаш, Шупашкар, Сĕнтĕрвăрри çĕрĕсемпе иртекен 118 километр трасса çинче Мăнал (Шупашкар районĕ) тата Полянки (Етĕрне районĕ) ялĕсем çывăхĕнче транспорт тата куçса лармалли хальхи йышши икĕ комплекс тума палăртаççĕ. Пысăк хăвăртлăхлă магистралĕн Шупашкар станцийĕ хулана çывăх пулать, Шупашкар магистральне халĕ ĕçлекен чукун çулпа çыхăнтарма палăртнă, çапла вара рельслă автобуса хута яма май килĕ.
Хаклав
Николай ИВАНОВ,
Шупашкар станцийĕнчи проводниксен
резервĕн ертÿçи;
– Пысăк хăвăртлăхлă магистраль çинчи «Шупашкар» станци май пур таран хула çывăхĕнче вырнаçĕ. Ăна хулари чукун çулпа çыхăнтарасси не те шута илнĕ. Проект Чăваш Республикинч е пурăнакансем шĕн чăннипех те пысăк пĕлтерĕшлĕ, вăл хĕвел тухăçĕ регионĕсемпе çыхăнма та май парать, Уралта, Çĕпĕрте ĕçлекенсене çакă уйрăмах ансатлăх кÿрĕ. Ун тăрăх çĕршыв центрĕнчи регионсене те хăвăртах çитме пулĕ. Çакă чукун çул тивĕçтерекен пулăшу пахалăхне сисĕнмеллех ÿстерĕ, йăлана кĕнĕ чукун çул транспорчĕн аталанăвне хăватлă тĕрев парĕ.
ТАТЬЯНА МАЙОРОВА
Если вы нашли ошибку, пожалуйста, выделите фрагмент текста и нажмите Ctrl+Enter .