Пĕтĕм çĕршывĕпе «Симĕс Раççей» экосубботниксем иртрĕç. Пирĕн районта унта камсем тата миçен хутшăннă?
Наталия ВАСИЛЛЬЕВА, Ишле
Наталья МИХАЙЛОВА, райадминистрацин ял хуçалăх тата экологи пайĕн специалисчĕ:
– Пĕтĕм Раççейри «Симĕс Раççей» экологи субботникĕсем районти пур ял тăрăхĕсенче те иртрĕç. Субботниксене хутшăнакансем тавралăха тирпей-илем кĕртес енĕпе тĕрлĕ ĕç пурнăçланă – çÿп-çап пуçтарнă, çул хĕррисенчи курăксене çулнă, хытă каяшсене пухмалли лаптăксене тасатнă… Пурĕ 395 кубла метр çÿп-çапа пуçтарса тиесе тухнă. Çак пархатарлă ĕçе районти 454 çынпа 23 организаци хутшăннă. Çÿп-çап пуçтарнă ĕçре хастарлăх кăтартакан çак предприятисемпе организацисене асăнса хăвармалла – Шемшер ял тăрăхĕнчи Шорчекасси тухтăр практикин офисĕ, Апаш культура центрĕ, Тутаркасси ял тăрăхĕсенчи Урай Макаçри, Котеркасси культура çурчĕсем, «Атлашевский» СХК, Çĕньял-Покровски ял тăрăхĕнчи Пархикассинчи культура çурчĕ, Çĕньял-Покровски шкулĕ, «Белочка» ача сачĕ, Кÿкеçри культурăпа кану çурчĕ.
Если вы нашли ошибку, пожалуйста, выделите фрагмент текста и нажмите Ctrl+Enter.